导游话术大全：青岛粤语导游开场白

导游话术大全：青岛粤语导游开场白

各位游客:

大家好，好高兴能顺利咁接到大家，大家一路辛苦啦，我代表我哋嘅旅行社，对各位嘅到嚟表示最热烈嘅欢迎。

今日能同大家相识，都算系一种缘分，我感到非常荣幸。首先，请允许我嚟自我介绍一下，我叫***，系青岛旅行社嘅导游，呢一位系司机张师傅，从而加开始，我同张师傅将喺本次旅途中同大家朝夕相对，带大家去玩，相信我哋之间会相处得十分默契。如果大家喺旅途中有乜嘢意见同建议，请话畀我知，我会尽力满足大家嘅要求，畀大家提供最好嘅服务，希望我哋嘅服务能俾大家留低美好嘅印象。

喺呢度，我哋衷心预祝大家喺旅途中，玩得开心，住得舒适，行得顺畅，游得愉快，多谢大家！

啱啱大家落机嘅机场，系青岛流亭国际机场，呢个机场以前系一个军用机场，1982年至改为民用，历经好几次改造同扩建，目前有39万平方米，39个停机位，可以起降大型波音747客机，而加共开通国内航线78条，国际航线14条，通航国内47个城市同8个国际地区城市，每周航班起降达到1400几班，为国际航空、东方航空、南方航空、山航、厦航、海航及日航、全日空、大韩、韩亚、UPS等30家航空公司代理服务业务，2006年突破600万人次，喺国内排名第十二位。呢个机场离市区有三十公里，所以我哋仲需要坐四十分钟嘅车程至到我哋住嘅酒店. 我哋住嘅酒店叫青岛海天大酒店，佢系一间五星级酒店.大陆而加仲有好多同国外唔同嘅地方，好似住同食,如果大家喺住宿当中，遇到房间有乜嘢问题，抑或系食饭嗰阵喺口味上有乜嘢问题，请话畀我知，我会尽力帮妳搞掂，好唔好啊。

好啦，接落嚟，我哋嚟确认一下我哋嘅行程，相信大家喺香港嗰阵，都大体知道我哋嘅行程啦，不过，我仲系要同大家对一下，睇下我哋之间有冇唔同嘅地方:

今晚大家先到酒店休息;听日上昼，我哋会游览小鱼山公园，栈桥，八大关，五四广场等，前海一线嘅景点，下昼嘅时间，我哋会去崂山，游览全真教道观,天下第二大丛林，太清宫.

喺嗰度，我哋可以了解一啲关于道教嘅文化同历史，仲有机会睇到传说中嘅崂山道士添。听晚，我哋住返海天大酒店。

第三日既系后日，我哋会从青岛出发去淄博，差唔多要坐四个钟嘅车程.淄博嘅临淄区，系两千九百年前齐国嘅国都，喺嗰度，我哋会游览齐国历史博物馆，喺博物馆入边，我哋可以睇到好多价值连城嘅文物，相信大家会好锺意睇嘅。接落嚟，我哋会从淄博赶到泰安，我哋住喺泰安嘅宝盛大酒店。

第四日，上昼嘅时间，我哋会去登泰山，去体验一下做皇帝嘅感觉。点解啊？因为泰山系五岳之首，历代帝王登基之后，都要去拜泰山嘅，虽然泰山有1545米高，但系大家都唔需要担心嘅，我哋会坐缆车上山，大家都不会好辛苦嘅。下昼嘅时间，我哋会前往济南，到咗济南之后，我哋仲有两个景点，一个系黑虎泉，另一个系泉城广场，晚餐之后，我哋会住喺济南嘅金都大酒店。

第五日，上昼嘅时间，我哋喺济南游览大明湖同埋趵突泉，食完午餐之后，我哋会到济南嘅姚墙国际机场，我哋嘅飞机系下昼3点钟起飞嘅。

好啦各位，呢啲就系我哋山东五日游嘅全部行程，大家睇下啱唔啱?

大家以前有冇嚟过山东或者青岛啊？冇啊，ok，咁，我嚟介绍一下青岛.同香港一样，青岛亦系一个海滨城市，佢位于山东半岛嘅东南边，青岛管辖七个区同五个县级市，市南，市北，四方，李沧，崂山，黄岛七个区，同胶南，胶州，即墨，平度，莱西五个县级市，全市总面积10654平方公里，总人口740万，其中市区面积1102平方公里，人口265，43万人。

大家知唔知香港有几大啊？有几多人口呢？呵呵，其实呢，香港同青岛嘅市内七区一样大，都系 1100几平方公里.但系，香港嘅人口有686万，多过青岛好多。所以呢，喺青岛，睇路上行街嘅人都睇唔到好多嘅. 嗰啲楼亦都冇香港啲楼咁高嘅。

 啱啱大家落机嗰阵，有冇感觉到呢度比香港冻啲呢?系啦，因为青岛系北方嘅城市嘛，香港属于亚热带，青岛系属于北温带，青岛又靠近大海，所以呢，青岛嘅气候既有北方城市四季分明嘅特点，又有海洋气候嘅特征，温暖湿润，咁就形成咗青岛冬暖夏凉嘅气候特点。喺一年中，最热嘅系八月份，平均气温25.3度，最高气温差唔多34度，但最多持续一两天；最冻嘅系一月份，平均气温为零下零点九度，最低温度零下八度左右，亦最多系一两日。冬天，青岛有时会落雪，但唔会好大，如果大家钟意睇落雪嘅话，可以喺春节嘅时间来山东，最近几年嚟，几乎每个春节青岛都会落雪。

大家到山东之前，一定系去过大陆好多嘅城市啦?因为喺大陆有咁一句话：八十年代睇广东，九十年代睇浦东，世纪之交睇山东，咁，大家系唔系已经见证咗大陆而加嘅发展同变化啦?无论社会点样变，始终有一个系永恒嘅真理，大家知唔知系乜嘢啊?估下旅游对我哋嚟讲，永远都离不开四个字：吃，喝，玩，乐。地方唔同，呢四个字嘅含意亦都系唔同嘅。

而加我哋喺青岛，大家知唔知青岛最出名嘅系乜嘢啊?系啊，系青岛啤酒，同埋海鲜啦。青岛啤酒相信大家都喺香港饮过，口味点样啊？系啊，当然系好啦.但系，我要话你知，全世界嘅人都识饮青岛啤酒，但系喺青岛本地饮嘅青岛啤酒口味系最好，最正宗嘅。点解？为咗方便储存同运输，所有嘅出口啤酒都系经过高温杀菌处理嘅啤酒，所以，喺口味上就差咗好多。但系，而加喺青岛就完全唔同嘅，我哋嘅青岛啤酒厂，将原来百几年以前嘅老厂房改造为青岛啤酒博物馆，喺嗰度，唔单止可以睇度青岛啤酒嘅文化同发展历史，亦可以畀你饮到当日啱啱从生产线上落嚟嘅最新鲜嘅啤酒原浆同纯生啤酒，呢两种酒嘅口味都系非常之香醇嘅，系全世界任何地方都饮唔到架!差唔多所有嚟青岛旅游嘅朋友都好钟意去我哋嘅啤酒厂参观同饮酒咖。

有咁好嘅啤酒，一定要有好嘅海鲜一齐食至得。青岛嘅海鲜同香港嘅有好大嘅区别，因为我哋嘅海系黄海，佢嘅水温低过南海好多，所以我哋嘅海鲜就冇香港嘅咁肥啦。喺青岛最出名嘅海鲜之一就系青岛嘅鲍鱼，青岛鲍鱼喺全国都系好有名嘅，肥大肉鲜，冇污染。3到5个头,一斤嘅，要生长四年，8至10个头一斤嘅，亦要生长3年度。鲍鱼嘅食物都系石花菜，海藻之类嘅嘢，呢啲海藻都系远古时代嘅单细胞生物，具有强大嘅生命力，鲍鱼嘅肉中含有一种被称为鲍素嘅成分，系一种能够破坏癌细胞生长必需嘅物质,所以鲍鱼系一种抗癌食品。同时因为鲍鱼含有丰富嘅维生素 E，所以亦系预防心血管疾病嘅健康食品。同青岛鲍鱼一样出名嘅海鲜仲有黄海对虾，对虾嘅产量系好少嘅，正宗嘅对虾嘅长度系18到20厘米之间，雄性细啲，雌性大啲。呢个虾而加系好难捉嘅，所以佢嘅价钱亦都系唔平咖。对虾系补肾强身嘅滋补佳品嚟咖。

讲到玩呢，我哋嘅行程表已经安排好啦，但系仲有一样未写，青岛夜街.青岛嘅晚黑亦系好繁华热闹嘅，日头嘅时间你喺街上见唔到一个人，但系晚黑就唔同啦; 喺我哋嘅夜市上，行路都系人迫人,企都冇埞企，所以而加好多嘅夜市都已经取消咗，仲有少部分政府指定嘅地方仲保留着夜市。喺夜市上，都系小贩摆摊，佢哋啲摊位都系一个挨住一个，卖嘅嘢亦都系五花八门，有好多喺商场入边都睇唔到嘅，当然价钱亦都系有商量。今晚我哋入咗酒店之后，大家早啲休息，养好精神，听日我哋仲有好多好玩嘅地方要去，如果大家想饮正宗嘅青岛啤酒，或者想试下青岛嘅鲍鱼同对虾，又或者想听晚行夜街嘅话，请听朝早啲话畀我知，我好同大家提前安排。

好啦，仲有5分钟我哋就到酒店啦，停咗车之后，我会叫行李生帮大家搬行李，请大家攞齐自己嘅贵重物品，千祈咪攋低嘢.入咗酒店之后，请大家检查一下房间有冇问题，如果有问题请大家喺半个钟头之内话畀我知，我会帮大家解决。酒店嘅行李生会送行李到你哋嘅房间，每个房间畀5-10蚊嘅小费行李生就得啦。

听早嘅morning call，系6点30分，7点钟，请大家到2楼西餐厅集合,食早餐，我哋7点9准时开车出发，请大家一定要守时。仲有，听晚我哋仲住喺呢度，所以听朝，大家唔需要带你哋嘅行李落嚟。

OK,我哋到啦，请大家带好所有嘅嘢落车啦。

第三课：栈 桥

我哋而加睇到嘅就系栈桥，饮过青岛啤酒嘅朋友都知道，标签上画嘅嗰个小楼阁，就系我哋栈桥上嘅回澜阁啦。栈桥系青岛嘅象征，系青岛人嘅骄傲。佢位于青岛湾，全长440米，宽8米。20世纪30年代，栈桥被称为青岛市内十景之首。

栈桥有一百几年历史，佢既目睹咗青岛嘅屈辱岁月，又见证咗青岛嘅建设同发展。1891年清政府下诏喺青岛建制，1892年登州总兵章高元带官兵四营驻扎青岛。当时为咗方便军需物资嘅运输，建咗两座码头，其中一座就系栈桥。

栈桥系当时唯一海上军火供给线，亦就系讲边个控制栈桥，边个就控制胶州湾。1897年，德国以军事演习为名，从栈桥登陆，以武力侵占青岛，栈桥成为德国侵占青岛嘅见证。德帝国主义侵占青岛以后，于1901年将原桥北面改为石基，水泥铺面，喺南边钢质桥架上铺设木板，并建咗轻便铁轨，将桥身加长至350米，仍然为军用码头。直到1904年青岛大港第一码头建成后，栈桥逐渐失去佢嘅历史使命，开始向游人开放。

1931年，南京国民政府出巨资，由德国信利洋行承包重建，将桥身加长至440米，喺桥南面修建箭头形防浪堤，并喺防浪堤上修建具有民族风格嘅回澜阁。1985年，青岛市政府出巨资对栈桥进行大规模维修，1998年底至1999年6月青岛市政府再次对栈桥进行全面整修，嗰次维修既达到咗防风浪、防腐蚀，保持咗原有嘅要求，同两边护岸设施相匹配，增加咗美观效果，使整个桥身焕发青春，我哋而加睇到嘅栈桥基本就是当时整修嘅样。

2001年，包括栈桥在内嘅海滨风景区被国家评为首批AAAA景区。

我哋而加嚟到嘅系回澜阁，牌匾上嘅三个字最初系由原青岛市市长沈鸿烈所写，嗰块匾额喺日本第二次侵华战争期间畀掠往日本，放喺东京博物馆内展出，以显示其侵华战争嘅功绩。而加呢块匾额上嘅字系由著名书法家舒同所写。

同栈桥喺一条直线上嘅呢条路叫中山路。中山路上呢座大楼系百盛商厦。

嗰座雄伟建筑系青岛海关大楼，青岛海关虽然以青岛命名，但系佢系山东口岸进出境监督嘅总管理机关，系中国北方三大海关之一，自1997年起，连续五年监管货物名列全国第一。栈桥西边嗰个沙滩系青岛市第六海水浴场，系青岛市最细一个海水浴场。

大家可以见度远处有一座小岛，岛上绿树成荫，一座白塔耸立于绿树丛中，嗰度就系著名嘅小青岛。小青岛海拔17.2米，面积亦只有0.012平方公里。小青岛又叫琴岛，因为佢嘅形状好似一把竖琴，而且岛上风吹波浪声音好似琴声。20世纪30年代开辟为小青岛公园。日本第二次侵占青岛时成为日军驻地，之后一直为军用。小青岛最高嗰座白色灯塔系1900年由喺青岛嘅德国人建造，系青岛市重点保护文物。塔高15.5米，呈八角形，塔内装有水晶棱镜镶成嘅反射镜，并以牛眼型旋转式闪光灯发光，其海上射程15海里，系过往船只进出胶州湾嘅重要航标。并勾画出青岛一大胜景---琴屿飘灯。

大家见度小青岛东面停泊住好多军舰，嗰度系中国海军博物馆。靠近海岸嗰座建筑系天后宫，佢系青岛沿海一带最古老嘅建筑，始建于明朝。

第四课：八大关

我哋而加嚟到嘅系我国著名嘅旅游疗养圣地八大关。别墅群建筑风格多样性系八大关特色之一。据统计景观内有俄罗斯、德国、美国、法国、意大利、丹麦等24个国家嘅建筑风格，有万国建筑博览会 嘅美誉。

20世纪30年代，青岛市国民政府规划修建湛山特别区域时，修建咗八条以我国著名关隘命名嘅道路，俗称八大关；后来又增建咗两条，形成十条以我国著名关隘命名嘅道路，但习惯上仲称为八大关。呢十条道路分别叫韶关路、嘉峪关路、山海关路、居庸关路、正阳关路、函古关路、武胜关路、紫荆关路、宁武关路同临淮关路。

20世纪20年代以嚟，全国各地嘅达官贵人纷纷嚟到八大关买地建房，外国驻青岛领事馆及侨居中国嘅外国人都喺嗰度建造别墅住宅，形成风格各异，美丽多彩嘅别墅群，共有300几座建筑。

八大关嘅街道绿地系最吸引游人嘅景观之一。自20世纪60年代以嚟，青岛市政府对景区内各条马路街道树木进行有计划嘅改造，景区内每一条街道都有一个特殊嘅树种作为代表，好似韶关路嘅碧桃、山海关路嘅法国梧桐树、紫荆关路嘅市树雪松等，形成咗四季有特色，路路花不同 嘅美丽景观。

八大关嘅历史文化内涵亦极为丰富。部分别墅为建国前大官所拥有，国民党嘅重要人物宋子文、孔祥熙、韩复榘、沈鸿烈等均喺呢度建有私人别墅，重要嘅政府官员亦经常嚟呢度居住休息。新中国成立之后，党同国家领导人毛泽东、周恩来、刘少奇、朱德、陈毅,邓小平、江泽民亦经常嚟呢度度假疗养同参加会议。著名科学家、劳动模范、战斗英雄、科学艺术家嚟八大关疗养更加系不计其数。

八大关优美嘅环境同美丽多彩嘅建筑，唔单止吸引咗广大游客，亦吸引咗影视届嘅目光，好多电影电视剧都选择八大关作为外景拍摄场地，八大关又有天然摄影棚之称。

我哋而加见到嘅系花石楼，花石楼系名气最大、争议亦系最大嘅一处别墅。佢系一座欧洲古堡式建筑，融合咗西方多种建筑艺术风格；既有希腊式同罗马式建筑风格，又有哥特式特色。主楼由一个圆形同一个多角形石砌小楼组合而成，楼内用大理石贴砌，内外除咗用大理石砌筑外，仲镶咗好多鹅卵石，所以叫做花石楼。呢座楼始建于1931年，系一个流亡中国嘅俄罗斯贵族所建，主人嘅名叫徕比池，由于建筑造型别致，环境优雅，深为世人所注目。

呢度系青岛市第二海水浴场。呢个浴场坡缓、沙软、浪细、水净，浴场两边系陡峭嘅岩壁，挡住嚟自海中嘅风浪，所以呢度风平浪静。1957年毛泽东主席喺青岛期间曾多次嚟第二海水浴场游泳。

第五课：青岛东海路转贴青岛东海路

各位朋友，而加我哋行紧嘅呢条路叫做东海路。全长12.8 公里，路宽４４米，其中车行道１４米，两侧各有５米的人行道同１０米嘅绿化带。全线沿海滨一直去， 构成咗一条新嘅海滨风景旅游大道，令岛城嘅黄金海岸线更加多姿多彩。１９９７年初，青岛市委、市政府决定将东海路建设成为环境一流、设施一流、绿化一流同雕塑一流嘅海滨旅游风景线， 沿路喺绿地游园建设咗一定数量嘅集思想性、艺术性、观赏性于一体，展现悠久中华文明历史同青岛海洋文化特色嘅雕塑作品。东海路绿化美化同雕塑工程俾全国城市雕塑建设指导委员会确定为国家级项目，并作为市委、 市政府１９９７年城市建设同改善人民群众生活要办嘅１５件实事之一。同时作为我市第二个百年标志性工程，从１９９７年３月开始到１９９８年１月，经过将近一年嘅施工，东海路绿化美化同雕塑工程，包括五四广场在内嘅１１个游园绿地园区顺利竣工。喺园区同道路两边首批安装雕塑２３组、４８座。其中，建成咗我国第一座百米海上喷泉同我国目前最大嘅钢制城市雕塑《五月的风》等。下面我同大家简单介绍一下几个园区嘅雕塑。

一号园区位于东海路西部起点，园区设置主体雕塑一座，雕塑石柱１２条。 规划意义系创造全开放空间、保持视线通畅、突出雕塑柱式顺序，使亘古不变嘅海之博大、松之挺拔同雕塑语言演义嘅中华古代文明于精深文化气血相协调，交相辉映。作品《天地间》直接选自人类最具有行为特征嘅手同脚，以脚踏大地、 手托地球嘅造型，嚟表现万物之灵嘅人驾驭自然、改造世界嘅力量。作品高１２米，雕塑材质为锻铜，畀人以典雅古朴同庄重嘅感觉。作品《世纪长廊》以中华历史传统故事为素材， 以１２条高大雄伟嘅石柱表现咗中华文明悠久嘅历史同光辉灿烂嘅文化，花岗岩质感同强烈嘅石柱造型同海天环境共同营造出震撼人心嘅艺术力量。石柱内容分为民族精神、爱国正气、科技文化、齐鲁风采、团结信义、勤业智慧、 家教治学等六个部分。浮雕柱内容分别为：禅让、四大发明、大禹治水、孟母三迁、愚公移山、田单火牛破燕阵、将相和、文城公主、郑成功收复台湾、唐诗、戚继光抗倭、司马迁愤然治史等。

二号园区位于青岛市少儿活动中心同电影城之间，共有雕塑１０座。 根据总体规划，延续中华文明嘅雕塑主题，重点服务于儿童，利用雕塑、绿化等艺术同自然达到寓教于乐嘅目的，为继承同发扬中华传统道德文明提供轻松活泼、环境优美嘅德育基地， 利用呢１０座雕塑演绎出一段段历史、一个个传说。呢１０座塑像为《伯乐相马》、《孔融让梨》、《猴子捞月》、《曹冲称象》、《磨杵成针》、《司马光砸缸》、《对弈》、《闻鸡起舞》。

三号园区位于浮山湾花园同地税局办公楼之间，系东海路游园中袖珍之地，园区共有雕塑７座，浮雕墙一座。 根据雕塑取材于古代思想家嘅主题限定，园区规划设计意义在于创造古朴自然嘅空间氛围，演染雕塑人物嘅历史久远，感叹先人历尽沧桑而依然不灭嘅思想光芒。佢以齐鲁文化为主题， 通过春秋战国时期齐鲁文化同诸子百家杰出代表人物传神凝练嘅雕塑造型及浮雕，表现悠久嘅中国传统历史文化同齐鲁大地人杰地灵、英才辈出嘅景象。雕塑作品名称为：《孙武》、《孟子》、《孔子及诸子百家》、《鼎》、《孔子师生》、《韩非子》。

四号园区（即系五四广场）北靠青岛市政府办公大楼，南临浮山湾。 园区因青岛系中国近代史上伟大嘅五四运动导火索而得名， 意思系弘扬五四爱国精神，激励人民奋发图强，迎接新世纪嘅到嚟。园区规划简洁大方，中轴线上嘅市政府办公大楼、隐式喷泉、点阵式喷泉、 《五月的风》雕塑、海上百米喷泉富于节奏咁展现出庄重、坚实、蓬勃向上嘅壮丽景象，喺大面积草坪同风景林嘅衬托之下，更加显得生机勃勃，充满现代气息。 五四广场系我市东部新区嘅点睛之笔，系东海路工程嘅重头戏。佢设计精细，用工考究，气势恢弘，风格独特，唔单止融会咗岛城嘅自然风光，更加兼容咗国内外城市广场嘅建筑风格。从香港路向南望过去，迎面系一块重达２６吨嘅崂山红色风景巨石，五四广场四个大字刻咗喺上面，朴素又庄重。整个广场以严谨嘅十 字结构为基础，层层分布出唔同嘅景致。 一系列新工艺、新材料、新嘅施工方法喺呢度得到咗运用，好多技术仲系第一次运用。从总体嚟睇，整个广场气势恢弘，但从细微之处睇，整个广场又呈现出罗马式精雕细刻，一切技术同用料都经过严格嘅筛选。 以南广场仅３米嘅甬道为例，中间系阔两米而且色彩鲜艳嘅花岗岩，而两边则系３０厘米阔嘅嵌草马牙石，非常新颖。特别系绿化树木嘅选择更显出建设者嘅用心良苦，从雪松、樱花木、广玉兰、枫树、法国梧桐、银杏到龙柏、耐冬草， 整体分布非常之有层次。《五月的风》系五四广场嘅标志性雕塑建筑，高达３０米， 直径２７米，重达５００吨，系我国目前最大嘅钢质城市雕塑。 雕塑以青岛作为五四运动导火索呢一个主题，充分展示咗岛城嘅历史足迹， 深涵住摧人向上嘅浓厚意思。雕塑整体同浩瀚嘅大海同典雅嘅园林融为一体，成为五四广场嘅灵魂。 海上百米喷泉系东海路上一座特殊嘅海中雕塑， 佢寓意住青岛人民迎接新世纪嘅来临，表现岛城人民团结向上、意气风发嘅精神面貌。佢直接从海中抽取海水，定位喺离海岸边１６０米，系考虑到海风嘅影响，并根据百米喷泉嘅高度经过最大风速偏差计算，海水唔可能洒落到岸上造成海水盐化污染。

五号园区位于东海路同福州路交汇处，系东海路雕塑重要嘅道路景点之一。园区草坡舒缓、林带混交、错落有致，好似音乐咁流畅。所选雕塑《火红的年代》象征改革开放、挺拔向上，意思系指明天更美好。作品以红色为基调，映衬喺绿色之中，强调咗对景作用同修饰效果，枫叶嘅造型同草坪、绿树自然和谐，尽显自然景色。

六号园区位于浪琴园到银都花园之间嘅海滨地带，设有雕塑６座， 反映海洋文化为主题，重点体现青岛作为美丽海滨城市嘅特色。园内地形地貌变化较大，西区岩壁陡峭，东区陡坡岩石、沙滩、海水相互包溶，具有青岛海岸嘅典型特点。保护咗美化自然风貌，利用岩石、 植物、海天一色嘅自然元素同雕像艺术创造天人合一嘅海滨游息空间。喺呢度你可以睇到金色嘅海岸就喺眼前，天际海碧涛白，浪起鸥飞，水天一色。喺崖岸上，《静思少女》不经意之间就喺眼前，人见犹怜；《三美神》睇起嚟好似三个优美嘅人体剪影，细品之下却系三叶神奇嘅海底植物。雕塑创意抒发凭海临风嘅超然意境，同游人产生共鸣。呢一园区嘅雕塑最为精美，既有传统写实，亦有现代象征，一份人文同自然交流嘅作品。呢５座雕像系《三美神》、《静思》、《映》、《海风》、《海之恋》。

七号园区仲喺度设计规划之中。

八号园区系青岛雕塑园，位于东海路东边海岸， 将结合园区优美嘅自然环境同独特嘅海岸景观，汇集国内外有影响嘅著名雕塑家雕塑作品，使佢成为青岛新嘅旅游文化景观。

九号园区位于石老人海水浴场广场，作品以人物、沙雕、 海洋动植物为素材，以简洁、优美、明快嘅线型组合，表现咗健康、蓬勃、美好嘅生活。

十号园区青春之歌，位于石老人海水浴场海滨对景绿地， 作品采用抽象嘅贝壳组合造型，体现海滨城市嘅特色。

十一号园区兰色的帆，位于东海路东端， 系青岛市高新科技工业园区域中轴线南边对景标志，作品以亮丽明快、充满力度嘅风帆造型， 象征住青岛市有如鼓满风帆嘅航船，乘风破浪，驶向美好嘅明天。作品以速度、力量同明快嘅线条以及大片弧线嘅优美组合，同周边环境交相辉映。仲有好多雕塑作品点缀喺东海路两边， 畀沿途增添咗无穷嘅艺术欣赏乐趣，我们可以慢慢咁体会同品味。

第六课：五四广场

而加我哋嘅车驶入五四广场，五四广场背靠市政府大楼，南临浮山湾，南北长700米，系一处集草坪、喷泉、雕塑于一体嘅现代化风格广场。

五四广场因五四运动而得名。众所周知，1919年爆发伟大嘅反帝爱国运动五四运动 嘅导火线系青岛主权问题。自1887年德国占领青岛后，中国人民一直为收回青岛主权而努力。1914日本取代德国侵占青岛后，进而提出咗分割中国嘅二十一条，企图长期合法占领青岛。引起全国人民嘅强烈反对。1918年11月，第一次世界大战结束，1919年1月，喺法国巴黎召开嘅和平会议上，中国作为战胜国出席会议，提出收回青岛主权等正当要求，但系就遭到英、法、美、日等国嘅拒绝，青岛主权畀强行转让畀日本。消息传开，举国震惊，北京学生于 1919年5月4日举行游行示威，强烈要求拒签和约，高呼誓死力争青岛主权、还我山东，还我青岛等口号。学生嘅爱国行为得到全国人民支持，喺举国反对声中，北洋政府被迫拒绝喺巴黎和会上签字，粉碎咗日本企图永久侵占青岛嘅阴谋。喺中国人民英勇斗争下，终于喺1922年12月10日收回青岛主权。鉴于青岛同五四运动嘅特殊关系，青岛市委、市政府决定将新建嘅广场命名为五四广场。

而加我哋见到嘅呢个喷泉系旱地点阵式喷泉，前面系一个下沉式广场，嗰度可以举行露天演出，由半圆形四级观众席同圆心形露天舞台组成，每逢节假日及重大活动，嗰度都会举行各种演出。

而加我哋见到嗰个高大、雄伟嘅火炬形红色雕塑系青岛市新市区标志性建筑五月的风 佢重700吨，高近30米，直径27米。当时系全国钢质雕塑中最重嘅一个。雕塑突出咗青岛作为五四运动导火线呢一个历史背景，深含住奋发向上嘅意义。火红色螺旋向上钢板组合，以简练手法，简洁线条同厚重质感，表现咗一股腾空而起嘅劲风，畀人以力量嘅震撼！

接落嚟我哋见到海面上喷涌紧嘅喷泉，系我国第一座海上百米喷泉，喷泉设计采用先进嘅高压水泵，喷涌水柱高达百米，因为系直接从海中抽取海水，所以设计时采用咗离岸边160米嘅距离，主要为咗防止岸边设施同草坪畀水雾盐化、腐蚀。

前面嗰个湾叫浮山湾，青岛系北京举办2008奥运会分会场，嗰度系帆船比赛场地，奥帆中心。

北面嗰座高大、雄伟嘅建筑系青岛市政府办公大楼，楼高53.1米，共15层，严肃庄重，气度非凡，其南面为正方形网状，有比喻党政机关作风严谨、纪律严明嘅意思。自1994年7月开始，中共青岛市委、市政府各部门相继迁入新市政府办公楼，新嘅市政府办公楼以成为青岛建制百年嘅标志性建筑。同时佢亦标志住市委、市政府东迁战略取得阶段性成果。

我哋而加从五四广场嚟到青岛市音乐广场，佢系以绿化、音乐、休闲为主题。佢系青岛市一处独特嘅、具有全新理念嘅文化广场。1999年3月开工建设，同年9月竣工开放。

而加我哋睇到嘅系音乐广场嘅中心景观音乐之帆。大家可以睇到由进口膜结构张拉而成嘅锥形软体雕塑，佢高20米，通体白色，分为两片，约有5米嘅高度差，由15个锚点拉固。音乐之帆好似迎风之帆，富有动态美感，晚上随住色彩变幻而呈现出好多唔同嘅视觉效果，畀人以丰富嘅想象空间。

我哋睇到帐篷下有一个巨大嘅钢琴，佢系中国海洋大学研制嘅，俗称钢琴王。演出嗰阵必须同时由两个人嚟弹奏。每逢节庆呢度经常都仙乐飘飘。

第七课：小鱼山公园

小鱼山海拔并唔高，只有61米，但佢系青岛前海一线著名嘅旅游景点，系观赏青岛前海全貌嘅最佳制高点。小鱼山系我市极具特色嘅一座古典园林式山头公园，他喺建筑材料嘅选择以及装饰造型上都围绕海嘅主题，突出鱼嘅图案造型。

小鱼山本来系一座无名山头，因为山前嘅路系根据山东东阿县一座佛教名山鱼山而命名嘅，所以小鱼山公园亦因此而得名.小鱼山公园占地面积2.5公顷,1983年4月动工，1985年2月竣工，1985年3月正式对外开放，一开放就成为咗青岛市十大景点之一.

呢座亭叫碧波亭，因为企喺亭入边可以将碧波荡漾嘅汇泉湾一览眼前，故而得名。牌匾上嘅碧波二字系由著名国画艺术大师吴作人手书嘅。呢个三层八角阁楼叫览潮阁，牌匾上嘅字亦都系吴作人手书嘅，阁楼高18米，登高远望可以尽情领略青岛市红瓦、绿树、碧海、蓝天嘅独特风格，特别系到咗农历中秋时节，明月当空，使人顿生海上生明月，天涯共此时之感，呢D就系青岛十大景观之一嘅鱼山海月 啦。

呢个白色嘅雪花石浮雕系小鱼山嘅山标，直径2米，由现代嘅小、山字同古老嘅象形文字 鱼字组成，周围系黑色嘅大理石线刻文字壁画，突出表现咗古代劳动人民渔猎嘅生活场景。

呢幅系油上彩壁画八仙过海图，长9米，宽2.67米，由中央工艺美院79级特艺系师生共同创作嘅，画稿曾获得全国美展一等奖。

呢幅系油下彩壁画叫蒲松龄宇宙，长9.1米，高2.67米，作品描绘咗蒲松龄故居及画皮、崂山道士、促织、席方平、睡莲公主等六个聊斋故事。

而加我哋企紧嘅呢个亭叫拥翠亭，因为企喺度可以观赏到远近山岚风光而得名，亭嘅牌匾亦系吴作人手书。

山下边嘅一片沙滩系汇泉海水浴场，浴场后面酒店系汇泉王朝饭店，酒店后面嘅体育场系原青岛第一体育场，而加叫天泰体育场。体育场前面呢个广场系汇泉广场，广场旁边嘅公园系青岛市最大嘅综合性公园中山公园，中山公园后面系太平山，而加我哋睇到嘅塔就系青岛电视塔。

第八课：青岛迎宾馆导游词

各位团友：

     呢度就系迎宾馆啦，迎宾馆系1907年10月建成嘅，系由德国建筑师设计同监督施工嘅。因为佢系当年德国胶澳总督嘅官邸，所以又称提督楼。不过第一任总督托尔帕尔喺呢度没住过几日,点解呢?因为呢座建筑建造费用过大,接近100万马克，所以佢翻去德国之后,就畀议会弹劾落咗台.

迎宾馆系一座具有欧洲皇家风范嘅德国古堡式建筑，其造型之典雅，装饰之豪华，轮廓线条之优美，色彩之美丽，至今仍居我国单体别墅建筑前列.二十世纪初建造呢种风格嘅房屋，喺欧洲大陆甚至德国亦唔多见。呢座建筑气势宏伟，建筑面积为4083平方米，高度为30米，厚达60几厘米嘅外墙以黄色为主，局部以花岗岩石料作装饰，石面加工粗朴，正门墙饰系淡绿色、淡灰色花岗岩石，顶部石料雕刻咗美丽嘅图案，粗放之中又见精巧。米红色筒瓦、蓝色鱼鳞瓦、绿色牛舌瓦铺设嘅楼顶，使大楼更加精美别致。

迎宾馆楼地下一层，地上三层，总建筑面积4000几平方米，砖石钢木结构，德国古典皇宫庭院建筑。屋顶设计丰富多变，墙身用大量石材料装饰，石雕刻花，券柱式外廊，石砌墙角同檐口，半透明木构墙，使建筑造型独特，气势雄伟，成为青岛近代建筑嘅奇观。楼分四层，共有房间30间。底层为半地下房间，原为总督仆人及膳食用房。由西门进入既为第二层，习惯称为一楼，内设过门厅、中厅、大厅、会议室、舞厅、餐厅同花房等组成，大厅高为9米，顶部吊有华丽嘅吊灯。大厅墙壁上装饰咗铜雕艺术品同油画，墙下面围咗棕色嘅护板；一侧墙角系一个嵌着绿色玉石嘅壁炉，另一个墙角摆放咗一架古老嘅德国三角架钢琴，大厅墙壁上挂嘅钟系德国著名钟表设计家琼汉斯设计嘅，佢有一个特点系一个钟头报四次时，三个字响一次音乐，整点敲钟点。整个大厅充满咗古朴浓郁嘅西方情调。第三层习惯称为二楼，原为总督嘅睡房同办公室，装修富丽堂皇。

由于迎宾馆曾经系政府接待贵宾嘅地方，喺文化大革命中并未受到破坏，整个建筑都保留着原来嘅样，入边嘅家俱都系德国原装产品，而且系德国一家曾经专为皇家贵族生产家俱嘅家俱店生产嘅，据讲而加编制喺奔驰公司旗下.

呢座建筑历经百年沧桑，曾经几次易主。1914年11月日德交战，驻青德军战败离开，呢度成为日本历任驻青守备军司令嘅住处；1922年12月我国收回主权，呢度系胶澳商埠督办总办官邸，后为国民党历任青岛市长嘅官邸；1932年沈鸿烈任市长后，唔再入住呢度，只作为接待宾客之用，1934年正式命名为迎宾馆；1938年--1945年日军第二次侵占青岛，呢度变为国际俱乐部；日军投降后，又改为迎宾馆。

１９４９年６月２日，青岛解放后至１９９２年，迎宾馆成为青岛市人民政府接待党同国家领导人以及国际客人嘅宾馆，毛泽东、陈云等以及国际友人胡志明、谢胡、西哈努克、前澳大利亚总理希尔等国家元首都喺呢度住过。

１９９９年５月１日，青岛市政府将迎宾馆开辟为旅游景点向海内外游客开放，并因此有咗个别名青岛德国建筑德式官邸旧址。

第九课：崂山太清宫

嚟到青岛必游嘅景点系崂山，因为崂山山势雄伟，万里海疆卓然独立，有山海奇观之称。更因为崂山嘅宗教渊源流长而闻名。王重阳、丘处机、张三丰等道教史上开宗立派嘅大师都同崂山有不解之缘，有神仙窟宅、灵异府第 嘅讲法。李白嘅我昔东海上，崂山餐紫霞千古传送；蒲松龄嘅崂山道士 被呢座山蒙上好多神秘色彩。崂山主峰为巨峰，又称崂顶，海拔1132.7米，系我国漫长大陆海岸线上唯一一座海拔喺千米以上嘅山峰，所以崂山又被称为近海名山。

国务院于1982年批准公布崂山风景名胜区为首批国家重点风景名胜区。2001年被国家旅游局评为首批AAAA级景区。

崂山，古代又称为劳山、牢山、鳌山。史书各有解释，讲法不一。一种讲法系：呢座山坚硬如磐石意为牢固，所以称牢山,牢固嘅牢。另一种讲法系，秦始皇到崂山嗰阵各地百姓都为之操劳不息，劳民伤财，所以叫劳山,劳动嘅劳。鳌山 名源于全真教派嘅创始人丘处机，佢嚟崂山嗰阵对牢狱嘅牢字觉得唔妥，又联想呢座山背负平川，面向大海，形同巨鳌踞于东海万里碧波之上。所以写诗40首歌咏此山。诗中将此山称为鳌山。

而加我哋嚟到嘅系太清风景游览区。太清宫三面环山一面临海，所处地理位置得天独厚。由于被远处嘅巨峰同近处七峰环抱，阻挡住冬季北嚟嘅寒冷气流，因而形成一个独特嘅近似亚热带气候小环境，冬季平均气温系0.9摄氏度。喺夏季有海上吹来凉爽嘅海风。因此呢度既无严寒又无酷暑，而且仲有好多南方植物种类喺呢度生根开花，充满生机，所以有小江南之称。

大家请睇左前方，石壁上刻住太清胜境、海上名山第一几个字，再睇两旁石刻：左为凹字，称为阴刻；右为凸字，称为阳刻，道教崇尚阴阳学说。

呢度系太清宫牌坊，高8米，宽16米，白色花岗岩架构，由底座、立柱、额枋、字板四部分组成，为四柱三门式。牌坊又称牌楼，系中国古建筑中嘅特色，起到咗标志、引导、空间分界、装饰美化、纪念颂扬嘅作用。牌坊阳面崂山太清宫五个字为中国道教协会会长闵智亭所题；阴面阆苑圣德意思系指具备高尚品行嘅仙人居住之处。

崂山太清宫系崂山历史最久、规模最大嘅一处道观，建于西汉建元元年（公元前140年）到今日为止已经有2140几年历史啦。太清宫嘅创始人系江西人张廉夫，佢因做官不顺，所以弃官修道，喺呢度建咗一所茅庵，供奉三官，取名三官庙。到咗唐朝末年，道士李哲玄又扩建庙宇供奉三皇，取名三皇殿。宋朝时期，道士刘若拙又自修一所茅庵供奉老子神像。太清宫主要有三官殿、三清殿、三皇殿 等140几所建筑。

我哋而加嚟到太清宫正门。呢个门2004年4月建成，2005年5月1日正式开放。正门亦称山门，隐含住众道士居于山林隐修之意。

行入山门，我哋首先见到嘅系两侧钟楼同鼓楼，俗话讲：晨钟暮鼓，意思系指一日嘅开始同结束。

向前行，路两边两座雄伟嘅建筑系新建成嘅元辰阁同元君阁。元辰阁正中供奉嘅系斗姆元君，元君阁供奉嘅系碧霞元君，又称泰山玉女，俗称泰山奶奶。

而加我哋嚟到嘅系太清宫第二个正门仪门。门口两边石鼓名为抱鼓，俗称户对；门口上方嘅木板称门当有门当户对嘅意思。

而加我哋嚟到嘅系三官殿嘅正门，喺大门两边，大家见到嘅呢两棵古老高大嘅树系银杏树，系宋太祖赵匡胤为道士刘若拙敇建道场、修建太清宫时种嘅，至今有1000几年树龄。银杏树最大嘅特点就系有性别之分，呢两棵银杏树都系雄性嘅。

而加我哋嚟到嘅系三官殿。我哋首先睇到嘅系两棵耐冬树，即系山茶。右边呢棵耐冬高近7 米，粗0.6米，树龄有600几年，传说系张三丰从长门岩岛移植过来嘅。呢棵耐冬开嘅系单瓣红花。当花嗰阵时，每朵花都贴喺叶面上，好似树上落咗一层厚厚嘅红雪。清代文学家蒲松龄嚟太清宫后，见呢棵耐冬花红似火，又想到上清宫中有一棵白牡丹，于是就将佢哋化身为《聊斋志异》中嘅降雪同香玉。随着《聊斋志异》流传于世，呢棵山茶嘅知名度亦越来越高。左边呢棵山茶开嘅系重瓣白色花瓣，树龄亦有400几年，佢同降雪一红一白，交相辉映，实为太清宫冬季一大景观。

接落嚟我哋嚟到嘅系三官殿，三官殿主要供奉嘅系天官、地官、水官三官大帝，亦就系我哋嘅三位祖先尧、舜、禹。相传尧敬天爱民，上映天象，风调雨顺，被称为天官。舜在位嗰阵，民风尚高，地不生灾，被尊为地官。大禹继承父业，三过家门而不入，治理水患，理所当然被尊称为水官。天官赐福，地官赦罪，水官解厄。

接落嚟呢个院落被称为翰林院。而加系太清宫嘅客堂。

而加，请大家睇下呢棵树。佢系一棵黄杨树，树高8米几。呢棵树睇起嚟唔系太粗，但系已经有 800年树龄啦。黄杨树最大嘅特点系生得非常缓慢，所以木质就特别细腻坚硬，系雕刻艺术品嘅上等材料，喺民间有鸟中之王称凤凰，木中之王是黄杨 嘅讲法。

经过黄杨树，我哋可以见到呢棵弯弯曲曲嘅榆树，因为佢系唐朝道长李哲玄亲手栽植嘅，所以称为 唐榆，亦都有1000几年历史啦。

喺龙头榆对面，我哋可以见到呢块石头上雕刻嘅系逢仙桥三个字。相传，宋代道长刘若拙除夕迎神，喺呢度遇到一位白须飘胸嘅老翁走上前嚟同佢倾计，啱想问一问姓名，老人就唔见咗啦，只喺雪地上留低两只脚印，于是刘若拙认为自己遇到咗神仙，所以将桥命名为逢仙桥。

而加我哋嚟到嘅呢个大殿系太清宫嘅主殿三清殿。三清殿供奉嘅系三清尊神，中间玉清原始天尊，右边上清灵宝天尊，左边太清道德天尊；三清系道教最高境界，呢三位天尊亦系道教信奉三位最高尊神。《道德经》讲：道生一，一生二，二生三，三生万物。 道，无所不在，无所不包，有咗道至有宇宙，宇宙生元气，元气构成天地，阴阳从而产生万物。再将道人格化，化为神，称为玉清、上清、太清三神。又有太上老君一气化三清之说。

东配殿供奉嘅系东华帝君。喺神话传说中，佢系天上阳神嘅总管。西配殿供奉嘅系西王母，传说佢系天上阴神嘅总管。

行出三清殿向右拐，我哋见到嘅呢个殿堂叫关岳祠。呢度供奉嘅系汉代关羽同宋代忠将岳飞。道教信奉佢哋，一系因为道教系我国土生土长嘅宗教，必然要吸收一啲民族精神、民族传统，其中包括忠、义。关羽同岳飞都系一代豪杰，将佢哋奉为神，取其忠、 义，所以关岳祠又叫忠义祠。

关岳祠门口呢个亭，传说系蒲松龄写书亭。相传蒲松龄到崂山，曾经喺度写书。《聊斋志异》共有400几篇故事，其中有8篇系以崂山为题材或背景嘅，好似崂山道士、香玉等。

崂山矿泉水，驰名中外,山有几高，水就有几深.我哋而加见到呢个泉就系崂山嘅四大名泉之一 神水泉。据讲佢有三神：一神为水质清澈甘洌，含矿物质非常丰富；二神为大旱三年泉水不涸、大涝三年泉水不溢；三神为饮用此泉水，有助于治疗多种慢性病，大家想唔想试下咁啊？。

而加我们嚟到嘅呢个殿叫三皇殿，天皇伏羲氏，地皇神农氏，人皇轩辕氏。传说：伏羲制八卦、神农尝百草、轩辕皇帝做兵器、舟车等。

三皇殿两侧供奉嘅系中国古代十大名医，扁鹊、华佗、张仲景、孙思邈、李时珍等。

喺正殿屋檐下有两块刻碑。东边系成吉思汗敇谕丘处机嘅护教文；西边是成吉思汗颁给丘处机嘅金虎符文。两块碑文嘅大意系，叫丘处机统领天下道教，皇帝所有嘅域地，丘处机都可以居住，天下嘅官府都要保护佢同畀佢方便，佢所主持嘅宫观都不派差，不纳税，其中好重要嘅一句话系金虎符文中嘅真人到处如朕亲临。

而加请大家睇一下西配殿。西配殿系耿祖祠，供奉扶教真人耿义兰道士。耿义兰系明代万历年间崂山白云洞嘅道士，佢带领道众与喺太清宫三清殿前建佛寺嘅憨山和尚打官司胜诉，为道教立功，所以被尊为扶教真人。

我们而加睇到嘅系救苦殿。供奉太乙救苦天尊。

而加请大家睇一下呢棵树。佢系一棵桧柏树,由汉代崂山道士张廉夫亲手栽植，有2000几年树龄。呢棵树上寄生咗一棵凌霄树，缠喺树干上，称为汉柏凌霄，喺树嘅另一边又生咗一棵盐肤木，喺呢棵树北边嘅第一树杈上又生出咗一棵小树，只有一尺高度，经鉴定系一棵刺楸。呢一个奇迹被称为四树一体，佢具有四大特点：一系常绿乔木、灌木、藤木相结合；二系阔叶树木与针叶树木共存；三系开花与不开花树木共荣；四系落叶与不落叶树木共体,实为大自然创造嘅奇迹。

呢块刻有海印寺遗址 嘅石碑，用嘅系原先建海印寺时嘅石头，碑上刻有明万历十三年憨山大师建海印寺于宫前，二十八年降旨毁寺复宫。

窗体顶端

窗

第十课：泰山

各位朋友：

    你哋好！呢度就系泰山啦，今日我将同大家一齐从泰山中路登上山顶。

    呢座高大、古老嘅山蕴含住丰富嘅自然同文化嘅积淀，俾联合国教科文组织列入世界自然同文化遗产名录。而加，我哋就一齐行入大山，去领略一下泰山嘅神韵啦。

    呢度系岱庙。从岱庙开始，经岱宗坊、一天门、红门、中天门、升仙坊到南天门、系古代皇帝封禅泰山所行过嘅路，而加被知名人士称为登天景区，亦就系中路，佢系而加登山6条路中最古老嘅一条。我们将从呢条路登上山顶。

    喺岱庙前，仲有一座较细嘅庙宇----叫遥参亭，系当年皇帝封禅泰山嘅起点。当年帝王嚟泰山举行封禅祭典嗰阵，都先要喺呢度举行简单嘅参拜仪式。明朝之前，称为草参亭。明代加以扩建后，改名为遥参亭。虽然系一字之易，但系就将诚意尽含其中。

    各位朋友，中国古代建筑喺世界建筑史上系有着独特地位嘅，呢座遥参亭嘅建筑构思既出于封禅大典将由此为前奏而步步进入高潮嘅需要，亦系中国古代先抑后扬美学思想嘅体现。  

正阳门内就系岱庙拉。岱庙有着如此嘅魅力，决定于佢自身嘅特征。首先，佢嘅围墙就同一般庙宇唔同，围墙长1300米，5层基石，上砌大青砖，呈梯形，下阔17.6米，上宽11米，高约10米，共有8度门：正中为正阳门，系岱庙嘅正门。由正阳门入嚟，迎面系配天门，取自于孔子讲嘅德配天地 嘅意思。配天门两侧，东为三灵侯殿，西为太尉，三殿之间以墙相连，构成咗岱庙中间第一进院落。

    过咗仁安门，就系雄伟高大嘅宋天贶，呢度又叫峻极殿，佢系呢座庙宇嘅主体。天贶殿面阔9间，643.67米，进深5间，17.18米，通高23.3米。大家睇下，天贶殿坐落喺宽敞嘅白色台基之上，周围石雕栏楹环绕，云形望柱齐列，使天贶殿同四周嘅环境产生咗奇妙效果。天贶殿周围嘅回廊，形成一个大院落，喺中国建筑中，廊系起到咗使空间有联贯、敛气、紧密、严谨而又富于变化嘅作用，喺世界建筑史当中都加以赞赏嘅。岱庙嘅回廊将一座重檐庑殿嘅大建筑物紧紧地环抱住，平直同崇高嘅对比更激起人们对天贶殿嘅崇仰。除咗四周低平嘅回廊之外，天贶殿前平台上仲修咗两个精巧嘅御碑亭。

    从天贶殿后门出嚟，有砖石甬道同后寝宫相连。宋真宗封泰山嗰阵，将泰山封为帝，帝则应当有后，于系就为之配咗个夫人叫淑明后。从呢一点嚟睇，岱庙与其讲系道教神府，仲不如讲系皇家宫廷，呢种布局进一步咁透露咗封建统治者利用岱庙进行政治活动嘅目的。

     我们而加沿住岱庙嘅主轴线游览。主轴线两侧，原先有4个别院，东面前后两院，前边为汉柏院，相传汉武帝所种嘅6棵古柏就喺院入边；后边系东御座，系皇帝祭泰山住嘅地方。

    呢度就系泰山有名嘅十八盘啦。大约喺25亿年前，喺一次被地质学家称作为泰山运动 嘅造山运动中，古泰山第一次从一片汪洋中崛起，以后几度沧桑，泰山升起又沉没，沉没又升起，终于喺3000万年前嘅喜马拉雅山造山运动中，泰山最后形成咗今天嘅样。古老嘅造山运动造就咗泰山南麓阶梯式上升嘅三个断裂带，最上一层从云步桥断裂带到极顶，海拔陡然上升400多米，使得呢一层地带同四周群峰产生强烈对比，犹如宝塔之刹，形成咗东天一柱 嘅气势。

    呢度系紧十八盘，亦系整个登山盘路中最为艰难嘅地段。大家睇下，石壁上古人嘅题刻：努力登高、首出万山、共攀青云梯 嗰啲系喺度勉励我们。大家再睇，嗰个能够孭起百斤嘅挑山工，再谂谂当年无名无姓嘅凿石修路人大山无言，但系佢能够激励人们向上。各位朋友，登山犹如做任何事业，只有义无反顾咁向上，至能够战胜险阻，到达最高境界！

    南天门到啦，我哋而加已置身于天界之中拉，虽然我哋并未成仙，但系我哋可以喺度领略到登天山而小天下 嘅豪迈感觉。

   行入南天门，与其相对嘅大殿叫未了轩，未了轩两侧各有一度门可以向北去。出咗门向西有一个山峰叫月观峰，山上有亭，叫月观亭。据讲天高气爽嘅深秋时节，喺度仲可以一览黄河金带 嘅奇异景观。喺夕阳映照嘅天幕之下，大地变暗，唯有黄河水，反射出太阳嘅光辉，好似一条闪光嘅金带，将天同地连埋一齐。晚黑，喺皎洁嘅月色当中，由呢度向北望去可以见到济南嘅万家灯火，所以月观峰又称为望府山啦。

    出咗南天门院落东边就系天街啦。天街，天上嘅街市，几咁有诗意嘅地方。由天街向东行，中间有一个牌坊，匾额上题有望吴圣迹四个字，相传系孔子同颜渊睇到吴国阊门外有一匹白马嘅地方。牌坊北边有孔子庙。

    天街最东端系碧霞祠。我同大家讲讲碧霞元君嘅故事啦。碧霞元君嘅前身系泰山女神，民间称为天仙玉女碧霞元君，系百姓心目中嘅泰山主神，又称为泰山奶奶、泰山老母。民众对泰山老母嘅信仰同喜爱，系一种历史积淀落嚟，埋藏喺人们心灵深处嘅对母亲嘅爱。多年嚟，碧霞元君赢得百姓嘅爱戴，至今仍高踞泰山之巅，接受着善男信女嘅香火，召唤着异乡离国嘅游子。

好啦，而加我哋一齐嚟参观碧霞寺。2500平方米嘅地方，建有山门，正殿，配殿，3座神门；钟楼、鼓楼、香亭、万岁楼、千斤鼎、火池，仲有照壁、歌舞楼、御碑亭等等高山疾风，殿为铜瓦、碑为铜铸，金光闪闪，好似天上宫殿。泰山碧霞祠嘅高度同建筑技巧被认为系我国古代高山建设中嘅典范。到呢度嚟装香拜神并唔感到其小而觉得其高大，神圣感悠然而生。

    行出碧霞祠，喺东神门北边沿盘道上，可以见到一堵石壁巍然屹立，石壁上石刻遍布，人称大观峰。大观峰西侧，几乎所有嘅石上都有古人嘅手笔，呢一带可谓系露天嘅书法艺术博物馆。

    由大观峰西侧盘道而上，到最高处，嗰啲一路上睇似行唔完嘅石阶终于到咗尽头，呢度就系泰山嘅极顶--玉皇顶了。

    玉皇庙建喺极顶之上，红墙碧瓦好似系俾泰山戴上一顶桂冠。由山门入庙，最先睇到嘅系院中央嘅极顶石。极顶石卧喺一圈石栏当中，表面粗糙，如果喺第度，佢将系一块最普通不过嘅石头。但系喺呢度，佢嘅旁边有块碑恭恭敬敬咁写咗：泰山极顶1545米几个字。根据地质学分析，就系佢，喺3000万年前从海槽中率先拱起，佢根植于1万米嘅地壳深处；就系佢，有着数百平方公里嘅基座，整座大山托举着佢，使佢高耸云天，以至玉皇庙中嘅玉皇大帝简直就成为咗佢嘅守护神。

    各位 朋友，一天嘅行程已经结束。希望你们能再到泰山嚟。好高兴认识大家、谢谢大家！再见！！

第十一课：导游欢送词

给位好朋友，我哋而加就要去机场搭飞机啦。天下冇不散之筵席，虽然唔舍得，但系仲不得不讲再见啦，多谢大家呢几日嚟对我工作嘅配合同支持，我自问系一个有责任心嘅人，但喺呢次旅游过程之中，仲系有好多地方做得唔到位，大家都可以理解我而且仲十分支持我，令我非常之感动。或者我唔系最好嘅导游，但系大家却系我遇到最好嘅客人，可以同最好嘅客人一起度过难忘嘅呢几日，亦都系我导游生涯中最大嘅收获。作为一个导游，虽然行嘅都系一啲自己已经好熟嘅景点，不过每次带唔同嘅客人就能令我有唔同嘅感受，喺大家初次见面嗰阵我讲过，相识就系缘，我哋可以同车而游即系修嚟嘅缘份；而加我反而觉得唔单止系所谓嘅缘，仲系一种幸运，可以为最好嘅游客做导游系我嘅幸运。

　　 我由衷咁感谢大家。其实能同大家达成一种默契真系好唔容易嘅，大家出嚟旅游，收获嘅系开心同快乐；而我作为导游带团，收获嘅则系友情同经历。或者大家登上飞机之后，我哋以后就好难会有再见面嘅机会啦，不过我希望大家翻去之后同自己嘅亲朋好友回忆自己嘅山东之行嗰阵，除咗描述青岛有几靓，泰山点样雄伟壮丽，孔庙如何饱经沧桑之余，千祈唔好唔记得加上一句话，喺山东仲有一个导游，佢系我嘅朋友！

    最后，预祝大家幸福快乐，以后如果有机会 ，再来山东会一会你嘅朋友啦！最后我哋一起嚟高歌一曲吧：《友谊之光》。